SCHOOL NEWS

 

==================================================================

വിജയോത്സവം  സംഘടിപ്പിച്ചു

==================================================================

എസ്എസ്എൽസി പരീക്ഷയിൽ  ഉന്നത വിജയം (2022-23)

==================================================================

എസ്എസ്എൽസി പരീക്ഷയിൽ  ഉന്നത വിജയം(2021-22_ 

     തെങ്കര: തെങ്കര: സർക്കാർ ഹയർ സെക്കൻഡറി സ്കൂളിലെ എസ്എസ്എൽസി പരീക്ഷയിൽ 135 ൽ 134 കുട്ടികൾ ഉന്നത പഠനത്തിന് യോഗ്യത നേടി. സമ്പൂർണ്ണ എ പ്ലസ് നേടിയവർ അഖില കൃഷ്ണ, നിരഞ്ജന ,സുഖ ലക്ഷ്മി.നന്ദന. ഒരു വിഷയത്തിൽ മാത്രം എപ്ലസ്  നഷ്ടപെട്ട കുട്ടികൾ അനിൽ,അൻഷിദ,ആര്യ,നയന.  വിജയികളായവരെ  അധ്യാപകരും  പിടിഎ യും  അനുമോദിച്ചു

==================================================================

അനുമോദിച്ചു

    തെങ്കര: തെങ്കര ഗവ.ഹയർ സെക്കണ്ടറി സക്കുളിൽ നിന്നും 2021വർഷത്തെ  എൽ എസ് എസ്, യു എസ് എസ് സ്കോളർഷിപ്പ് പരീക്ഷകളിൽ മികച്ച വിജയം കരസ്ഥമാക്കിയ മിടുക്കരായ വിദ്യാർഥികളെ അനുമോദിച്ചു.

 പ്രധാനാധ്യാപിക നിർമല . പി കെ യുടെ അധ്യക്ഷതയിൽ സംഘടിപ്പിച്ച അനുമോദന ചടങ്ങ്  പ്രിൻസിപ്പിപ്പൽ പി.അബ്ദുൽ സലീം ഉദ്ഘാടനം നിർവ്വഹിച്ചു. വിജയികൾക്കുള്ള ഉപഹാരങ്ങൾ വിതരണം ചെയ്തു. വിദ്യാലയത്തെ പ്രതിനിധീകരിച്ച് ഈ വർഷം സംസ്ഥാന തലത്തിലും, ജില്ലാതലത്തിലും വിവിധ മത്സരങ്ങളിൽ വിജയികളായവരേയും ഉപഹാരങ്ങൾ നൽകി ആദരിച്ചു. അധ്യാപകരായ ജിൻസി, മഞ്ജു, സണ്ണി, ഓമന, പ്രിയങ്ക, സബീന. ഐ, കെ.സി സുരേഷ്, ഡോ.ജയരാജൻ എൻ വി , ബഷീർ.കെ, പി.ജയറാം,രാജീവൻ പി.കെ, പ്രീത പി വി ,  പ്രമോദ് കുമാർ സംസാരിച്ചു. സ്റ്റാഫ് സെക്രട്ടറി ശൈലജ.എസ് നന്ദി പ്രകാശിപ്പിച്ചു. 

==================================================================

 എൽ എസ് എസ്, യു എസ് എസ് സ്കോളർപ്പിപ്പ് പരീക്ഷകളിൽ ഉന്നത വിജയം

    തെങ്കര: തെങ്കര സർക്കാർ ഹയർ സെക്കണ്ടറി സകൂളിൽ കഴിഞ്ഞ അധ്യയന വർഷത്തിലെ എൽ എസ് എസ്, യു എസ് എസ് സ്കോളർഷിപ്പ് പരീക്ഷകളിൽ തിളക്കമുള്ള വിജയം കരസ്ഥമാക്കി മണ്ണാർക്കാട് താലൂക്കിലെ സർക്കാർ വിദ്യാലയങ്ങൾക്കിടയിൽ മാതൃകയായി.

     പരീക്ഷ എഴുതിയവരിൽ ഭൂരിഭാഗവും അഭിമാനാർഹമായ വിജയം കൈവരിച്ചു.11 കുട്ടികൾ വീതം എൽ എസ് എസ് , യു എസ് എസ് സ്കോളർഷിപ്പുകൾക്ക് അർഹരായി. ഉപജില്ലയിലെ യു എസ് എസ് പ്രതിഭകളായ കുട്ടികളുടെ  പട്ടികയിൽ ഈ വിദ്യാലയത്തിലെ രഞ്ജില കെ ഉൾപ്പെടുകയും ചെയ്തിട്ടുണ്ട്.വിജയികളെ അധ്യാപകരും പി ടി എ യും  അനുമോദിച്ചു.

 

എൽ എസ് എസ്  നേടിയവർ

1. മുഹമ്മദ് മിർഷാദ്

2. മുഹമ്മദ് അൻഷാദ്

3. അനിരുദ്ധ് P

4. ആകാശ് K

5. നവീൻ

6. ഫാത്തിമ അൻഷ

7. അനന്യ C

8. ശരണ്യ V

9. ആഗ്നേയ K

10. ആദിത്യ K

11. അഭിനവ് V K.

  യു എസ് എസ്  നേടിയവർ

1. രഞ്ജില K

2. നിയസജിൻ K

3. ശരത്ത് P

4. ആദിത്യൻ O

5. അക്ഷയ് V K

6. അഭിനയ R

7. സാവേരി സുരേഷ്

8. അയന ബാബു K

9. ആദിത്യ മോഹൻ ദാസ് C

10. ആര്യ M

11. ഫാത്തിമ ഫിദ M 

==========================================

 

  ഭക്ഷ്യമേള 2022

തെങ്കര: തെങ്കര സർക്കാർ ഹയർ സെക്കണ്ടറി സ്കൂളിൽ ആരോഗ്യദായക ഭക്ഷണം തനിനാടൻ രീതിയിൽ എങ്ങനെ ദീർഘകാലം കേടുകൂടാതെ സൂക്ഷിച്ചു വെയ്ക്കാം എന്ന ആശയത്തെ അടിസ്ഥാനമാക്കി സ്ക്കൂളിലെ ഏഴാം തരം വിദ്യാർത്ഥികൾ ഭക്ഷ്യമേള സംഘടിപ്പിച്ചു.ക്ലാസ് ലീഡർമാരായ ഷഹന, ചന്ദ്രരാജ്,എന്നിവരുടെ നേതൃത്വത്തിൽ ഉണക്കി സൂക്ഷിക്കൽ, ഉപ്പിലിടൽ, സ്ക്വാഷുകൾ, ജാമുകൾ, പഞ്ചസാരയിലിടൽ എന്നീ വ്യത്യസ്തമാർഗങ്ങൾ മേളയിൽ ഉൾപ്പെടുത്തി.എണ്ണ, വിനാഗിരി ,ഉപ്പ്, പഞ്ചസാര പോലുള്ള  തനതായ പ്രിസർവേറ്റീവുകൾ ഉപയോഗിച്ചുള്ള നാടൻ രീതികൾ കുട്ടികൾ പ്രദർശനത്തിലൂടെ പരിചയപ്പെടുത്തി കൊടുത്തു. "സുരക്ഷിത ഭക്ഷണം ആരോഗ്യ ജീവിതത്തിന്" എന്ന വിഷയത്തിൽ ശാസ്ത്രാധ്യാപിക പ്രവീണ ശാസ്ത്ര ക്ലാസും നൽകി. കോവിഡ് കാലത്തെ നല്ല ആരോഗ്യശീലങ്ങൾക്ക് തുടക്കമിടാനും കൂടുതൽ പഠനപ്രവർത്തനങ്ങളിലേർപ്പെടാനും കുട്ടികൾ തൽപരരായി.

==========================================

പേപ്പർ സഞ്ചി - പേപ്പർ ഫയൽ നിർമ്മാണ പരിശീലനം

പേപ്പർ ഫയൽ, പേപ്പർസഞ്ചി നിർമാണ പരിശീലനം

ഹരിതസേനയുടെ കീഴിൽ  പേപ്പർ ബാഗും പേപ്പർ ഫയലുകളും തയ്യാറാക്കുന്നതിനുള്ള പരിശീലനം നൽകി. പരിശീലത്തിൽ പങ്കെടുത്ത കുട്ടികൾ തയ്യാറാക്കിയ പേപ്പർ സഞ്ചികളും , ഓഫീസ് ഫയലുകളും വിദ്യാലയത്തിന്റെ ഓഫീസ് ആവശ്യങ്ങൾക്കായി നൽകി. പരിശീലനത്തിന് ശില്‌പ , റജീന നേതൃത്വം നൽകി. കുട്ടികൾ തയ്യാറാക്കിയ ഉത്പന്നങ്ങൾ പ്രധാനാധ്യാപിക നിർമല പി.കെ ഏറ്റുവാങ്ങി. 

==========================================

 ലിറ്റിൽ കൈറ്റ്സ് സ്കൂൾ തല ഏകദിന ക്യാമ്പ് സംഘടിപ്പിച്ചു

    തെങ്കര : തെങ്കര സർക്കാർ ഹയർ സെക്കണ്ടറി സ്കൂളിൽ ലിറ്റിൽ കൈറ്റ്സ് സ്കൂൾ തല ഏകദിന ക്യാമ്പ് സംഘടിപ്പിച്ചു. ക്യാമ്പിന്റെ ഉദ്ഘാടന കർമ്മം  പ്രധാനാധ്യാപിക നിർമല പി.കെ അധ്യക്ഷതയിൽ പി ടി എ പ്രസിഡന്റ് മജീദ് തെങ്കര  നിർവ്വഹിച്ചു . കൈറ്റ്സ് മാസ്റ്റർ കെ.ബഷീർ സ്വാഗതവും കൈറ്റ് മിസ്ട്രസ് സമീറ.കെ നന്ദിയും പ്രകാശിപ്പിച്ചു. പ്രത്യേക അഭിരുചി പരീക്ഷയുടെ മികവിൽ തെരെഞ്ഞെടുത്ത

ഒമ്പതാം ക്ലാസിൽ പഠിക്കുന്ന ഇരുപ്പത്തി ഒമ്പത് കുട്ടികളാണ് ക്യാമ്പിൽ പങ്കെടുത്തത്. അനിമേഷൻ ഗ്രാഫിക്സ് , പ്രോഗ്രാമിങ്ങ് മേഖലയിൽ താത്പര്യം ജനിപ്പിക്കുന്നതായിരുന്നു ക്യാമ്പിന്റെ ഉള്ളടക്കം. തുടർന്നു വരുന്ന ക്ലാസുകളിൽ മലയാളം കമ്പ്യൂട്ടിങ്ങ്, റോബോട്ടിക്സ്, മൊബൈൽ ആപ്പ് നിർമ്മാണം, കമ്പ്യൂട്ടർ ഹാർഡ്‌വെയർ, വീഡിയോ , ഓഡിയോ എഡിറ്റിംഗ് മേഖലകളിലും പരിശീലനം നൽകുന്നതാണ്.

പൊതു വിദ്യാലയങ്ങളിൽ സാങ്കേതിക രംഗത്തുണ്ടായ മാറ്റങ്ങളെ ശക്തിപ്പെടുത്തുകയും, വിവര സാങ്കേതികവിദ്യയിൽ കഴിവും താത്പര്യവുമുള്ള പുതിയ തലമുറയെ വാർത്തെടുക്കുകയും ചെയ്യുക എന്നതാണ് ലിറ്റിൽ കൈറ്റ്സ് ഐടി കൂടായ്മ ലക്ഷ്യമാക്കുന്നത്. കൈറ്റ്സ് മാസ്റ്റർ ബഷീർ.കെ. കൈറ്റ്സ് മിസ്ട്രസ് സമീറ.എം  ക്ലാസുകൾക്ക് നേതൃത്വം നൽകി. ക്യാമ്പിന്റെ അവസാനത്തിൽ കുട്ടികളുടെ ഏകദിന പരിശീലനത്തിന്റെ ഫലപ്രാപ്തി മനസ്സിലാക്കുന്നതിനായി കൈറ്റ് ഏർപ്പെടുത്തിയ വീഡിയോ  കോൺഫറൻസിങ്ങ് ശ്രദ്ധേയമായി.

==========================================

        തെങ്കര: എസ് എസ് എൽ സി വിജയ ശതമാനം ഉയർത്തുകയും, എ-പ്ലസ് എണ്ണം വർദ്ധിപ്പിക്കുകയും ചെയ്യുന്നതിന്റെ ഭാഗമായി വിജയശ്രീ രണ്ടാം യൂണിറ്റ് ടെസ്റ്റുകൾ നടത്തി. ടൈം ടേബിൾ തയ്യാറാക്കി , ക്വസ്റ്റ്യൻ പേപ്പറുകൾ പ്രിന്റ് ചെയ്ത് ഒരു മണിക്കൂർ ദൈർഘ്യമുള്ള പരീക്ഷകളാണ് നടത്തിയത്. പഠന സമയം നഷ്ടപ്പെടുത്താത്ത രൂപത്തിലായിരുന്നു പരീക്ഷകൾ ക്രമീകരിച്ചത്. കഴിഞ്ഞ വർഷം വിദ്യാലയത്തിന് ലഭിച്ച നൂറ് ശതമാനത്തിന്റെ നേട്ടം ഈ വർഷവും നിലനിർത്തുക എന്ന ലക്ഷ്യത്തോടെയാണ് വിജയശ്രീ പ്രവർത്തനങ്ങൾ അധ്യാപകർ ഏറ്റെടുത്തിരിക്കുന്നത്. പ്രവർത്തനങ്ങൾക്ക് വിജയശ്രീ കോർഡിനേറ്റർ ശൈലജ എസ് നേതൃത്വം നൽകി.

                ==========================================

വിദ്യാ കാരണം ലാപ്പ്ടോപ്പുകൾ വിതരണം ചെയ്തു.

    തെങ്കര:തെങ്കര സർക്കാർ ഹയർ സെക്കണ്ടറി സ്കൂളിൽ വിദ്യാകിരണം പദ്ധതി വഴി സംസ്ഥാന സർക്കാർ എസ് സി വിഭാഗം കുട്ടികൾക്ക് അനുവദിച്ച വിദ്യാകരണം ലാപ്ടോപ്പുകൾ വിതരണം ചെയ്തു. ചടങ്ങിൽ എസ് എം സി ചെയർമാൻ ശിവശങ്കരൻ.വി , പ്രിൻസിപ്പൽ അബ്ദുൽ സലീം, പ്രധാനാധ്യാപിക നിർമല . പി.കെ,  ഐ ടി കോർഡിനേറ്റർ ബഷീർ.കെ സംസാരിച്ചു

        =======================================================================

കടന്നൽ കൂട് നശിപ്പിച്ചു

        തെങ്കര : തെങ്കര സർക്കാർ ഹയർ സെക്കണ്ടറി സ്കൂളിലെ കമ്പ്യൂട്ടർ ലാബിന് സമീപത്ത് കൂട് കൂട്ടിയിരുന്ന കടന്നൽ കൂട് സുരക്ഷിതമായി ഒഴിവാക്കി. കുട്ടികൾ ഇല്ലാത്ത സമയം നോക്കിയാണ് അപകടം ഒഴിവാക്കിയത്. കഴിഞ്ഞ ദിവസം തെങ്കര മെഴുകും പാറയിൽ കടന്നലിന്റെ കുത്തേറ്റ് പതിനഞ്ച് അതിഥി തൊഴിലാളികൾക്ക് പരിക്കേറ്റിരുന്നു.  അധ്യാപകരായ ബഷീർ.കെ, ഷിജു, സബീന ഐ  പങ്കെടുത്ത‍ു

     =======================================================================      

അധ്യാപകർ കൈ കോർത്തു കുട്ടികൾക്ക് 

പുതു വർഷപ്പായസമായി

     തെങ്കര: തെങ്കര സർക്കാർ ഹയർ സെക്കണ്ടറി സ്കൂളിലെ അധ്യാപകർ കൈകോർത്തപ്പോൾ വിദ്യാലയത്തിലെ ഒന്നു മുതൽ പന്ത്രണ്ടു വരെയുള്ള മുഴുവൻ കുട്ടികൾക്കും പുതുവർഷത്തിന്റെ മധുരം നുണയാനായി.വിദ്യാലയത്തിൽ പഠിക്കുന്ന രണ്ടായിരത്തോളം   കുട്ടികൾക്കായി പായസം തയ്യാറാക്കുന്നതിനുള്ള സാധനങ്ങൾ അദ്ധ്യാപകർ സ്പോൺസർ ചെയ്യുകയായിരുന്നു. ബാച്ചു ക്രമീകരണമുള്ളതിനാൽ രണ്ടു ദിവസങ്ങളിൽ പായസം തയ്യാറാക്കേണ്ടി വന്നു. പ്രവർത്തനങ്ങൾക്ക് ഉച്ചഭക്ഷണ കമ്മറ്റി നേതൃത്വം നൽകി.

വീഡിയോ കാണാൻ ക്യുആർ കോഡ് സ്കാൻ ചെയ്യുകയോ ലിങ്കിൽ ക്ലിക്ക് ചെയ്യകയോ ചെയ്യുക

വീഡിയോ ലിങ്ക് :https://youtu.be/0gbJON9b7XA    

=========================

അന്താരാഷ്ട്ര അറബി ഭാഷാ ദിനം ആചരിച്ചു

    തെങ്കര:അന്താരാഷ്ട്ര അറബി ഭാഷാ ദിനാചരണത്തിന്റെ ഭാഗമായി തെങ്കര സർക്കാർ ഹയർ സെക്കണ്ടറി സ്കൂളിലെ അറബിക് ക്ലബ്ബിനു കീഴിൽ ഡോക്യുമെന്ററി പ്രദർശനവും കുട്ടികൾ തയ്യാറാക്കിയ ഉൽപ്പനങ്ങളുടെ പ്രദർശനവും സംഘടിപ്പിച്ചു. പ്രധാനാധ്യാപിക നിർമല പി.കെ യുടെ അധ്യക്ഷതയിൽ പി ടി എ പ്രസിഡന്റ് മജീദ് തെങ്കര ഉദ്ഘാടനം നിർവ്വഹിച്ചു. അധ്യാപകരായ ഡോ.എൻ വി. ജയരാജൻ, കെ.ബഷീർ, സബീന ഐ, ശൈലജ എസ്, ജയറാം പി, ഫാത്തിമ, സമീറ,സീനത്ത്, ശശികുമാർ, പ്രമോദ്, ശില്പ , മഞ്ജു, പ്രീത, നസറി സംസാരിച്ചു. കുമാരി അഹസന സ്വാഗതവും ക്ലബ്ബ് ജോയന്റ് കൺവീനർ ഹാരിസ് പി നന്ദിയും പ്രകാശിപ്പിച്ചു.

=========================

സ്റ്റുഡന്റസ് പോലീസ് കേഡറ്റ്  ക്യാമ്പ് സംഘടിപ്പിച്ചു

    തെങ്കര ഗവ.ഹയർ സെക്കണ്ടറി സ്‌കൂളിൽ സ്റ്റുഡന്റസ് പോലീസ് കേഡറ്റ് (കുട്ടിപോലീസ് ) ന്റെ രണ്ടു ദിവസത്തെ പരിശീലന ക്യാമ്പ് ഉദ്‌ഘാടനം ചെയ്തു.  ജൂനിയർ സീനിയർ വിഭാഗങ്ങളിലായി 84 വിദ്യാർത്ഥികളാണ്   രണ്ടു ദിവസത്തെ പരിശീലന ക്യാമ്പിൽ പങ്കെടുക്കുന്നത്.

വാർഡ് മെമ്പർ സന്ധ്യഷിബു അധ്യക്ഷത വഹിച്ചു. സബ് ഇൻസ്‌പെക്ടർ എൻ യൂസുഫ് സിദ്ധീഖി, പി ടി എ പ്രസിഡണ്ട് മജീദ് തെങ്കര , പ്രിൻസിപ്പാൾ പി അബ്ദുൽ സലീം , പ്രധാനാധ്യാപിക പി കെ നിർമല , എസ് എം സി ചെയർമാൻ ശിവശങ്കരൻ , സബീന ടീച്ചർ കോർഡിനേറ്റർ മാരായ ജയറാം മാസ്റ്റർ  , ശൈലജ ടീച്ചർ പ്രസംഗിച്ചു

    രണ്ടു ദിവസങ്ങളായി നടന്നു വന്നിരുന്ന SPC ക്യാമ്പ് 27.12.2021  5 PM ന് സമാപിച്ചു. ആറ് സെഷനുകളിലായി വിവിധ വിഷയങ്ങളിൽ ഇൻഡോർ ക്ലാസുകളും 3 സെഷനുകളിലായി ഔട്ട്ഡോർ ക്ലാസുകളും നടന്നു. എല്ലാ ക്ലാസുകളിലും കേഡറ്റുകൾ സജീവമായി പങ്കെടുത്തു. ഇൻഡോർ ക്ലാസുകൾ നയിച്ചത് ട്രെയിനർ ഗിരീഷ് സർ , ദേവീദാസൻ സർ നമ്മുടെ വിദ്യാലയത്തിലെ അധ്യാപകരായ ജയരാജൻ മാസ്റ്റർ  പ്രമോദ് മാസ്റ്റർ മുൻ അധ്യാപകനായ സെബാസ്റ്റ്യൻ മാസ്റ്റർ സബ് ഇൻസ്പെക്ടർ ജാഫർ സിദ്ദീഖ് സർ  എന്നിവരായിരുന്നു.

=========================

മനുഷ്യാവകാശ ദിനം - ക്ലാസ് സംഘടിപ്പിച്ചു

        ഡിസംബർ 10 മനുഷ്യാവകാശ ദിനവുമായി ബന്ധപ്പെട്ട് പ്രസ്തുത വിഷയത്തിൽ എസ് പി സി  കേഡറ്റുകൾക്ക് ക്ലാസ് സംഘടിപ്പിച്ചു.

അഡ്വക്കേറ്റ് ശ്രീ രാഘവൻ ആമ്പാടത്ത് ക്ലാസ് നയിച്ചു .ഹെഡ്മിസ്ട്രസ് ശ്രീമതി നിർമല ടീച്ചർ സ്വാഗതവും സിപിഒ ജയറാം എ സി പി ഒ ഷൈലജ എന്നിവർ ആശംസയും അറിയിച്ചു .സീനിയർ കേഡറ്റ് സൗമ്യ നന്ദി രേഖപ്പെടുത്തി.സീനിയർ ജൂനിയർ വിഭാഗങ്ങളിലായി 88 കേഡറ്റുകൾ പരിപാടിയിൽ  പങ്കെടുത്തു

=========================

തെങ്കര: തെങ്കര സർക്കാർ ഹയർ സെക്കണ്ടറി സ്കൂളിന് കിഫ്ബി വഴി അനുവദിച്ച മൂന്ന് കോടിയുടെ കെട്ടിട നിർമ്മാണവുമായി ബന്ധപ്പെട്ട പദ്ധതി  അംഗീകരത്തിനായി  അഡ്വ.എൻ.ഷംസുദ്ദീൻ എം എൽ എ യുടെ കാര്യാലയത്തിൽ എത്തി അധ്യാപക രക്ഷാകർതൃസമിതി അംഗങ്ങൾ പ്രവർത്തന പുരോഗതി വിലയിരുത്തി. നിർമ്മാണ പ്രവർത്തനങൾ ത്വരിതപ്പെടുത്താനാവശ്യമായ ഇടപെടലുകൾ ഉണ്ടാകുമെന്ന് എം എൽ എ ഉറപ്പു നൽകി. പി ടി എ പ്രസിഡൻ്റ് മജീദ് തെങ്കര, പ്രിൻസിപ്പൽ പി.അബദുൽ സലീം, ഹെഡ്മിസ്ട്രസ് നിർമല .പി.കെ അധ്യാപകരായ സബീന ഐ, ജയറാം പി ,ബഷീർ. കെ സംബന്ധിച്ചു.

=========================

ഭിന്ന ശേഷി ദിനാചരണം നടത്തി

        തെങ്കര: തെങ്കര സർക്കാർ ഹയർ സെക്കണ്ടറി സ്കൂളും മണ്ണാർക്കാട് ബി.ആർ സി യും സംയുകതമായി  ലോക ഭിന്നശേഷി ദിനാചരണം സംഘടിപ്പിച്ചു. ചലന പരിമിതി മൂലം വിദ്യാലയത്തിൽ എത്താനാവാത്ത  അഞ്ചാം തരത്തിൽ പഠിക്കുന്ന പ്രകാശിൻ്റെ  വീട്ടിലാണ് അധ്യാപകരും സഹപാഠികളും സമ്മാന പൊതികളുമായി എത്തിയത്.വാർഡ് മെമ്പർ ടിന്റു  മണ്ണാർക്കാട് ബി.പി സി മുഹമ്മദലി പ്രധാനാധ്യാപിക നിർമല പി.കെ, അധ്യാപകരായ കെ.ബഷീർ, പുഷ്പലത.വി, ബീന.കെ, ഹാരിസ്, ബി.ആർ സി ട്രെയ്നർ ഷാജി  എന്നിവർ സംസാരിച്ചു. റിസോഴ്സ് അധ്യാപകരായ സംഗീത, ഡിജിനു, രമ്യ, നസീമ, ഷൈനി തുടങ്ങിയവർ പങ്കെടുത്തു.

=========================

പ്രവേശനോത്സവത്തോടെ തുടക്കം  

    

        കര‍ുതലോടെ... നീണ്ട ഇടവേളയ്ക്കു ശേഷം വിദ്യാലയത്തിൽ എത്തുന്ന കുട്ടികളെ  വിദ്യാലയ കവാടത്തിൽ കുട്ടിപ്പോലീസിന്റെ സഹായത്തോടെ  സാനിറ്റെെസ‍‍ർ ചെയ്തു കടത്തിവിടുന്നു

    തെങ്കര: തെങ്കര സർക്കാർ ഹയർ സെക്കണ്ടറി സ്കൂളിൽ പ്രവേശനോത്സവത്തോടെ വിദ്യാലയ പ്രവർത്തനങ്ങൾക്ക് തുടക്കമായി. കഴിഞ്ഞ ഒന്നര വർഷത്തെ ഇടവേളയ്ക്കു ശേഷമാണ് കുട്ടികൾ വിദ്യാലയത്തിൽ തിരിച്ചെത്തുന്നത്. ഓൺലൈൻ പഠനത്തിൻ്റെ യും ഒറ്റപ്പെടലിൻ്റേയും വിരസതയിൽ കഴിഞ്ഞിരുന്ന കുട്ടികളെ വിദ്യാലയത്തിലേക്ക് വരവേൽക്കാനായി കഴിഞ്ഞ കുറേ നാളുകളായി ഒരുക്കങ്ങളുമായി കാത്തിരിക്കുകയായിരുന്നു വിദ്യാലയവും അധ്യാപകരും. 

    പുത്തൻ യൂണിഫോമുകളിൽ മനോഹരമായ ബാഗുകളും കുടകളുമായി കളിച്ചും ചിരിച്ചും കൂട്ടം കൂടിയും വിദ്യാലയത്തിൽ എത്തിയിരുന്ന കുട്ടികൾക്കും അവരെ അനുഗമിക്കുന്ന രക്ഷിതാക്കൾക്കും പകരം സകൂൾ കവാടം വരെ കുട്ടികളുമായി എത്തി അവരെ വിദ്യാലയത്തിലേക്ക് യാത്രയാക്കുന്ന രക്ഷിതാക്കളും മുഖാവരണങ്ങൾ ധരിച്ച് അകലം പാലിച്ച് കടന്നു വരുന്ന കുട്ടികളും കോവിഡാനന്തര പ്രവേശനോത്സവത്തിൻ്റെ വേറിട്ട കാഴ്ചയായിരുന്നു. പതിവ് ബഹളങ്ങൾ ഇല്ലാതെ പരിസ്ഥിതി സൗഹൃദമായ അലങ്കാരങ്ങളും ഡിജിറ്റൽവാദ്യമേളങ്ങളുമായി നവാഗതരുൾപ്പെടെയുള്ളവരെ വിദ്യാലയ കവാടത്തിൽ സ്വീകരിക്കാൻ അധ്യാപകരും, പി ടി എ അംഗങ്ങളും നേരത്തെ തയ്യാറായി നിൽക്കുന്നുണ്ടായിരുന്നു. 

    ഒന്നര വർഷത്തിനപ്പുറം നിലച്ചുപോയ മണി മുഴങ്ങിയതോടെ വീണ്ടുമൊരു വിദ്യാലയ വർഷത്തിന് തുടക്കമായി. പഠന വിടവുകൾ കണ്ടെത്തി അനുകൂലമായ പഠന്നാന്തരീക്ഷം സൃഷടിച്ച് ക്രമാനുഗതമായ പഠന പുരോഗതി ലക്ഷ്യമാക്കിയുള്ള അക്കാദമിക കലണ്ടറിലൂടെയാണ് കുട്ടികൾക്ക് കടന്നു പോകാനുളളത്. ആദ്യ ദിവസം തന്നെ പൊതുഗതാഗതവും, ഉച്ചഭക്ഷണവും ഒരുക്കിയിരുന്നത്  കുട്ടികൾക്കും  രക്ഷിതാക്കൾക്കും ഏറെ സഹായകരകമായി. 

=========================

ഭക്ഷ്യമേള - 2020 സംഘടിപ്പിച്ചു

   തെങ്കര:ലോക ഭക്ഷ്യ ദിനത്തോടനുബന്ധിച്ച് പ്രീ പ്രൈമറികുട്ടികൾക്കായി ഓൺലൈനായി പോഷകാഹാരം തയ്യാറാക്കലും പ്രദർശനവും നടന്നു. പയറുവർഗങ്ങളും ഇലക്കറികളും, പഴങ്ങളും പച്ചക്കറികളും, ആവിയിൽ വേവിച്ച പലഹാരങ്ങൾ, മധുര പലഹാരങ്ങൾ എന്നിങ്ങനെ വിവിധ വിഭാഗങ്ങളിലെ പോഷകങ്ങളെ പരിചയപ്പെടുത്തുന്നതും ആഹാരത്തിൻ്റെ പ്രാധാന്യം വിശദമാക്കുന്നതും ആയി 4 വിഭാഗങ്ങളായാണ് പ്രദർശനം സംഘടിപ്പിച്ചത്.പ്രധാനാധ്യാപിക നിർമ്മല ടീച്ചർ കുട്ടികൾക്ക് ഭക്ഷ്യ ദിന സന്ദേശം നൽകി. അധ്യാപകർ കുട്ടികൾക്ക് പോഷകാഹാരങ്ങളും പ്രാധാന്യവും വിശദീകരിച്ചു.കൊച്ചു കുരുന്നുകൾ വിഭവങ്ങളിലെ പോഷക ഗുണങ്ങൾ പരിചയപ്പെട്ട് ആവേശത്തോടെ പ്രദർശനത്തിൽ പങ്കാളികളായി. 

 ലോക ഭക്ഷ്യ ദിനത്തിൽയു .പി സയൻസ് ക്ലബ്ബിൻ്റെ ആഭിമുഖ്യത്തിൽ
'ആഹാരം ആരോഗ്യത്തിനും രോഗപ്രതിരോധത്തിനും' എന്ന വിഷയത്തിൽ ഓൺലൈൻ ഭക്ഷ്യമേള സംഘടിപ്പിച്ചു.പ്രധാനാധ്യാപിക നിർമ്മല ടീച്ചർ കുട്ടികൾക്ക് ഭക്ഷ്യ ദിനാചരണത്തിൻ്റെ പ്രാധാന്യം വിശദമാക്കുന്ന സന്ദേശം നൽകി. തനിനാടൻ വിഭവങ്ങൾ ഉപയോഗിച്ച്  കുട്ടികൾ പോഷകസമൃദ്ധമായ ഭക്ഷണം പാകം  ചെയ്യുന്ന വീഡിയോകളും പാചക കുറിപ്പുകളും പങ്കു വയ്ച്ചു. ആഹാരം പാഴാക്കില്ലെന്നും പോഷകാഹാരങ്ങളിലൂടെ രോഗ പ്രതിരോധശേഷി വീണ്ടെടുക്കുമെന്നും ക്ലബ്ബ് അംഗങ്ങൾ പ്രതിജ്ഞ ചെയ്തു.

16.10.2020

=========================

സമ്പൂർണ്ണ ഹെെടെക്ക്  പ്രഖ്യാപനവുമായി തെങ്കര സ്കൂളും.

തെങ്കര : പൊതു വിദ്യാഭ്യസ മേഖലയിൽ ഇന്ത്യയിലെ സമ്പൂർണ്ണ ഡിജിറ്റൽ സംസ്ഥാനമായി കേരളം പ്രഖ്യാപനത്തെ തുടർന്ന് തെങ്കര സർക്കാർ ഹയർ സെക്കണ്ടറി സ്കൂളിലെ സമ്പൂർണ്ണ ഹൈട്ടെക്ക് പ്രഖ്യാപനം നടന്നു. കോവിഡ് മാനദണ്ഡങ്ങൾ പാലിച്ചുകൊണ്ട് വിദ്യാലയത്തിൽ സംഘടിപ്പിച്ച ചടങ്ങ് പിടിഎ പ്രസിഡൻ്റ് മജീദ് തെങ്കരയുടെ അധ്യക്ഷതയിൽ തെങ്കര ഗ്രാമപഞ്ചായത്ത് അധ്യക്ഷ കെ.സാവിത്രി സമ്പൂർണ്ണ ഹെെടെക്ക് പ്രഖ്യാപനം നിർവ്വഹിച്ചു.സ്കൂൾ ഹെഡ്മിസ്ട്രസ് നിർമല പി.കെ ഹൈടെക്ക് പദ്ധതി വിശദീകരിച്ചു. പ്രിൻസിപ്പൽ പി.അബ്ദുൽ സലിം സ്വാഗതം പറഞ്ഞ ചടങ്ങിൽ എസ്.എം.സി ചെയർമാൻ വി.ശിവശങ്കരൻ ,എം.പി.ടി എ പ്രസിഡൻ്റ് ഉമ, അധ്യാപകരായ കെ.രവി, സബീന.ഐ ,എൻ.വി.ജയരാജൻ , എ.ആർ . ശശികുമാർ, കെ.ബിന്ദു മോൾ തുടങ്ങിയവർ സംസാരിച്ചു.സ്കൂൾ ഐ.ടി കോർഡിനേറ്റർ കെ.ബഷീർ നന്ദി പ്രകാശിപ്പിച്ചു.

 

12.10.2020

=========================

   ക്ലാസ് മുറികളുടെ  ഉദ്ഘാടനം നിർവഹിച്ചു.

തെങ്കര:തെങ്കര സർക്കാർ ഹയർ സെക്കൻഡറി സ്കൂളിൽ എസ്.എസ്.കെ ഫണ്ടിലൂടെ നിർമാണം പൂർത്തീകരിച്ച ക്ലാസ് മുറികളുടെ  ഉദ്ഘാടനം ജില്ലാ പഞ്ചായത്ത് അംഗം സീമ കൊങ്ങശ്ശേരിയുടെ അധ്യക്ഷതയിൽ മണ്ണാർക്കാട് എം എൽ എ അഡ്വക്കേറ്റ്
എൻ.ഷംസുദ്ദീൻ നിർവഹിച്ചു. കോവിഡ് മാനദണ്ഡങ്ങൾ പ്രകാരം വിദ്യാലയത്തിൽ സംഘടിപ്പിച്ച ലളിതമായ ചടങ്ങിൽ പിടിഎ പ്രസിഡന്റ് മജീദ് തെങ്കര ,എസ്എംസി ചെയർമാൻ ശിവശങ്കരൻ,മുൻപ്രധാനാധ്യപിക ഉഷ.കെ.ടി തുടങ്ങിയവർ ആശംസകൾ അർപ്പിച്ചു സംസാരിച്ചു. 

സ്കൂൾ പ്രിൻസിപ്പൽ പി.അബ്ദുൽ സലീം സ്വാഗതവും സ്കൂൾ ഹെഡ്മിസ്ട്രസ് നിർമല പി കെ നന്ദിയും പ്രകാശിപ്പിച്ചു .

11.09.2020

 

 പ്രേംചന്ദ് ജയന്തി ആഘോഷിച്ചു
-----------------------------

തെങ്കര GHS ൽ HS വിഭാഗത്തിൽ ഉപന്യാസസമ്രാട്ട്  മുൻഷി പ്രേംചന്ദന്റെ 140മത്തെ ജന്മദിനത്തിനോടനുബന്ധിച്ചുള്ള പരിപാടികൾ നടത്തി. ആദ്യമായി ശ്രേയ ps പ്രാർത്ഥന ചൊല്ലിക്കൊണ്ട് പരിപാടിക്ക് തുടക്കം കുറിച്ചു. അഖില കൃഷ്ണ പ്രതിജ്ഞ അവതരിപ്പിച്ചു. അധ്യക്ഷ പ്രസംഗം കാവ്യകൃഷ്ണ നിർവഹിച്ചു. സുഖ ലക്ഷ്മി സ്വാഗത പ്രസംഗം നടത്തി. മുഖ്യ പ്രസംഗത്തിലൂടെ നന്ദന പ്രേംചന്ദിനെ പരിചയപ്പെടുത്തി. ഉദ്ധരണി ഭാഷണം മൃധന്യ അവതരിപ്പിച്ചു. ഏഞ്ചൽ  അമൃത നന്ദി പ്രസംഗം നടത്തി. ശ്രേയ ദേശീയഗാനം ആലപിച്ചു. തുടർന്നു നടന്ന പ്രേംചന്ദ് പ്രശ്നോത്തരിയിൽ ഒന്നാം സ്ഥാനം നന്ദന cs(9c)രണ്ടാം സ്ഥാനം കാവ്യകൃഷ്ണ pk(10)മൂന്നാം സ്ഥാനം ശ്രേയ ps(8D)നും ലഭിച്ചു. വിജയികൾക്ക് അഭിനന്ദനങ്ങൾ അർപ്പിച്ചു കൊണ്ട് പരിപാടി അവസാനിപ്പിച്ചു.

   =========================

 

ജി എച്ച് എസ് എസ് തെങ്കര

          2020 ആഗസ്റ്റ് 8 - 15 സ്വച്ഛ് ഭാരത് മിഷൻ പദ്ധതി രാജ്യവ്യാപകമായി സംഘടിപ്പിക്കുന്ന ഗന്ധ വിമുക്ത ഭാരത് ക്യാമ്പയിൻ്റെ ഭാഗമായി ജില്ലാശുചിത്വമിഷൻ്റെ ആഭിമുഖ്യത്തിൽ  അഴുക്ക് / മാലിന്യം ഇല്ലാത്ത എൻ്റെ ഗ്രാമം, രാഷ്ട്രീയ സ്വച്ഛതാ കേന്ദ്രം ( ശുചിത്വ പഠന കേന്ദ്രം) എന്നീ വിഷയങ്ങളിൽ  സ്കൂൾ തലത്തിൽ നടത്തിയ ഓൺലൈൻ പെയിൻ്റിങ്ങ് മൽസരത്തിൻ്റെയും ഉപന്യാസ മത്സരത്തിൻ്റെയും വിശദാംശങ്ങൾ

        19.08 .2020 ന് നടത്തിയ മത്സരങ്ങളിൽ പെയിൻ്റിങ്ങ് വിഭാഗത്തിൽ 18 കുട്ടികൾ പങ്കെടുത്തു. അതിൽ 3 കുട്ടികളെ 1, 2, 3 സ്ഥാനക്കാരായി തെരഞ്ഞെടുത്തു.ഉപന്യാസ വിഭാഗത്തിൽ പങ്കെടുത്തത് ആകെ 13 കുട്ടികളാണ്.അതിൽ 3 പേരെ വിജയികളായി തെരഞ്ഞെടുത്തു.

വിജയികൾ

പെയിൻറിങ്ങ്‌ മൽസരം 

(ക്ലാസുകൾ 6-8)

1. ആര്യനന്ദ എം എസ്   - 7D

2. യാസിൻ നിസാർ        - 7D

3. ആദിത്യൻ എ.             - 8D

ഉപന്യാസ മrത്സരം (ക്ലാസുകൾ 9-12)

1. നന്ദന സിഎസ്        - 9 C

2 .രഘുചന്ദന പി ആർ-9 C

3 .സുഖലക്ഷ്മി            - 9 B

    =========================

  കർഷക ദിനാചരണം നടത്തി

 തെങ്കര    ചിങ്ങം 1 കർഷക ദിനാചരണത്തോടനുബന്ധിച്ച് UP ശാസ്ത്ര ക്ലബ്ബിൻ്റെ ഔദ്യോഗിക ഉദ്ഘാടനം പ്രധാനാധ്യാപിക ശ്രീമതി നിർമ്മല ഓൺലൈനിൽ നിർവ്വഹിച്ചു. കൃഷിയുടെയും കർഷകരുടെയും പ്രാധാന്യം വിശദീകരിച്ച് കുട്ടികൾക്ക് പുതുവത്സരാശംസകൾ നേർന്നു. കുട്ടികളും അധ്യാപകരും കർഷക ദിനാശംസകൾ നേർന്നു. ശാസ്ത്ര ക്ലബ്ബിൻ്റെ ആഭിമുഖ്യത്തിൽകുട്ടികളുടെ കർഷകനൃത്തങ്ങൾ, കൃഷിക്കവിതകൾ,കൊയ്ത്തുപാട്ടുകൾ, ദൃശ്യാ വിഷ്ക്കാരങ്ങൾ എന്നിവ ഉദ്ഘാടന ദിനത്തിലരങ്ങേറി. വരും ദിവസങ്ങളിലായി കൃഷിപ്പതിപ്പ് തയ്യാറാക്കൽ ,എൻ്റെ കൃഷി- ഫോട്ടോ പ്രദർശനം കൃഷി അനുഭവം പങ്കുവയ്ക്കൽ, കൃഷി ഉപകരണങ്ങളുടെ ഫോട്ടോ ,വീഡിയോ പ്രദർശനങ്ങൾ തുടങ്ങി വൈവിധ്യമാർന്ന പ്രവർത്തനങ്ങൾ ശാസ്ത്ര ക്ലബ്ബ് ആസൂത്രണം ചെയ്ത് നടത്തി വരുന്നു.

 

 

 =========================

 ചാന്ദ്രദിനംആഘോഷിച്ചു.

തെങ്കര : തെങ്കര സർക്കാർ ഹയർസെക്കണ്ടറി സ്കൂളിൽ  ഈ വർഷത്തെ ചാന്ദ്രദിനം ശാസ്ത്ര ക്ലബ്ബിൽ സമുചിതമായി ആഘോഷിച്ചു. ശാസ്ത്ര ഗ്രൂപ്പിലൂടെ കുട്ടികൾ ബഹിരാകാശ യാത്രികർ, പേടകങ്ങൾ, കണ്ടുപിടുത്തങ്ങൾ എന്നിവയെക്കുറിച്ചുള്ള വീഡിയോകൾ പങ്കുവച്ചു. സ്പേസ് ക്വിസ് 2020 യിലൂടെ മുഹമ്മദ് ഫർസീൻ 6 D, നിതിൻ ദാസ് 7 A, ആദിത്യൻ O 7D എന്നിവർ1,2,3 സ്ഥാനങ്ങൾ കരസ്ഥമാക്കി. വിജയികളെ സബ് ജില്ലാതല മത്സരത്തിൽ പങ്കെടുപ്പിച്ചു.ശാസ്ത്രാധ്യാപകർ പരിപാടികൾക്ക് നേതൃത്വം നൽകി. വിജയികളെ പ്രധാനാധ്യാപകൻ പ്രമോദ് സർ പ്രത്യേകം അഭിനന്ദിച്ചു.

 

  

=========================

  2020-2021(അധ്യായന വർഷത്തിലെ പ്രധാന പ്രവർത്തനങ്ങളിലൂടെ)

  =========================

  സ്കൂൾവാർഷികവും യാത്രയയപ്പും സംഘടിപ്പിച്ചു.
തെങ്കര: തെങ്കര സർക്കാർ ഹയർ സെക്കണ്ടറി സ്കൂളിൻ്റെ വാർഷികവും ഈ വർഷം വിരമിക്കുന്ന അധ്യാപകർക്കുള്ള യാത്രയയപ്പും മണ്ണാക്കാട് എം.എൽ.എ.അഡ്വ.എൻ.ഷംസുദ്ദീൻ ഉദ്ഘാടനം ചെയ്തു.തെങ്കര ഗ്രാമപഞ്ചായത്ത് പ്രസിഡൻ്റ് കെ.സാവിത്രി അധൃക്ഷത വഹിച്ച ചടങ്ങിൽ  ജില്ലാ പഞ്ചായത്ത് അംഗം സീമ കൊണ്ടശ്ശേരി,മണ്ണാർക്കാട് ബ്ലോക്ക് അധ്യക്ഷൻ ഒ.പി. ശെരീഫ്, ബ്ലോക്ക് അംഗം പി. അലവി, ഉപജില്ലാ വിദ്യാഭ്യാസ ഓഫീസർ ഒ.ജി.അനിൽകുമാർ ,പി.ടി.എ പ്രസിഡൻ്റ് മജീദ് തെങ്കര എസ്.എം സി ചെയർമാൻ വി.ശിവശങ്കരൻ ,പി.ടി.എ വൈസ് പ്രസിഡൻ്റ് കൃഷ്ണദാസ് എം. പി.ടി.എ.പ്രസിഡൻ്റ് ഉമ , മുൻ പ്രധാനാധ്യാപകരായ കെ.അനിത, വിജയരാഘവൻ, വിവിധ അധ്യാപക രവി.കെ,ജയറാംപി, സുരേഷ്  കെ.സി, കെ.ബഷീർ, എൻ.വി ജയരാജൻ, രെജിത കെ സംസാരിച്ചു. വിരമിക്കുന്ന അധ്യാപകരായ പുഷ്പലത .എൻ .കെ, കെ.ജി ബാബു എന്നിവർക്കുള്ള ഉപഹാരം എം.എൽ.എ. നിർവഹിച്ചു.വിവിധ മേഖലകളിൽ കഴിവ് തെളിയിച്ച കുട്ടികൾക്കുള്ള ഉപഹാരങ്ങളും വിതരണം ചെയ്തു. ചലന പരിമിതിയുള്ള വിദ്യാർഥിനികൾക്കായി കെ.ജി.ബാബു മാഷ് ഏർപ്പെടുത്തിയ  "ടാബ് ലറ്റ് " എം.എൽ.എ കുട്ടികൾക്ക് കൈമാറി.
രാവിലെ വിദ്യാലയത്തിൽ നടന്ന സുഹൃദ് സംഗമം കെ.പി.എസ് പയ്യനെടം ഉദ്ഘാടനം ചെയ്തു.

 =========================

തെങ്കര: തെങ്കര സർക്കാർ ഹയർ സെക്കണ്ടറി സ്കൂളിൻ്റെ വാർഷികത്തോടനുബന്ധിച്ച് വിദ്യാലയവും പരിസരവും വൃത്തിയാക്കി ശുചിത്വ ക്ലബ്ബ് മാതൃകയായി. ഫെബ്രുവരി ഒന്നിനായിരുന്നു സ്കൂൾ വാർഷികവും യാത്രയയപ്പും. അതിനോടനുബന്ധിച്ചാണ് വിദ്യാലയ പരിസരത്തുള്ള ചപ്പ് ചവറുകളും, പ്ലാസ്റ്റിക് മാലിന്യങ്ങളും നീക്കം ചെയ്തത്. കുട്ടികളിൽ ശുചിത്വ ബോധമുണ്ടാക്കുന്നതിനായി ബോധവത്കരണ ക്ലാസുകൾ വിവിധ മത്സരങ്ങൾ തുടങ്ങിയവയും ക്ലബ്ബിനു കീഴിൽ സംഘടിപ്പിച്ചിടുണ്ട്. പ്രവർത്തനങ്ങൾക്ക്  പുഷ്പലത.വി ,ശശി കുമാർ എ, പ്രീത പി.വി, ബിന്ദു കെ.എം നേതൃത്വം നൽകി.

 =========================

ശബ്ദ സംവിധാനം ഉദ്ഘാടനം ചെയ്തു

ശബ്ദ സംവിധാനം ഉദ്ഘാടനം ചെയ്തു.തെങ്കര: തെങ്കര സർക്കാർ ഹയർ സെക്കണ്ടറി സ്കൂളിന് മണ്ണാർക്കാട് റൂറൽ  സർവ്വീസ് സഹകരണ ബാങ്ക് അനുവദിച്ച ശബ്ദസംവിധാനത്തിന്റെ ഉദ്ഘാടനം റൂറൽ ബാങ്ക് പ്രസിഡണ്ട് അഡ്വ.സുരേഷ് ഉദ്ഘാടനം ചെയ്തു.പി ടി എ പ്രസിഡണ്ട് മജീദ് തെങ്കര - അധ്യക്ഷത വഹിച്ചു.യോഗത്തിൽ പ്രധാന അധ്യാപിക ഉഷ കെ.ടി, ബാങ്ക് വൈസ് പ്രസിഡണ്ട് രമാ സുകുമാരൻ, എസ്എംസി ചെയർമാൻ എം.ശിവശങ്കരൻ ,കെ.സി.സുരേഷ്, കെ.ജി.ബാബു ,പി. ജയറാം, കെ ബഷീർ, ഡോക്ടർ: NV .ജയരാജൻ, എന്നിവർ പ്രസംഗിച്ചു. രക്ഷിതാക്കൾക്കുള്ള വിദ്യാഭ്യാസ വികസന സെമിനാറും നടത്തി.

=========================

 

 അന്താരാഷട്ര ഭിന്നശേഷി ദിനാചരണം

       അന്താരാഷട്ര ഭിന്നശേഷി ദിനാചരണത്തിൻ്റെ ഭാഗമായി നമ്മുടെ രണ്ടു പ്രിയപ്പെട്ട കുട്ടികളുടെ വീട് സന്ദർശിച്ചു.  ജീവിതത്തിലെ ഒറ്റപ്പെടലുകളിൽ തളർന്നു പോകുന്നവർക്കുള്ള തണലും കരുത്തുമായിരുന്നു ചലന പരിമിതി മൂലം ഉപരിപഠനം പോലും നഷ്ടപെട്ട കുട്ടിയുൾപ്പെടയുള്ളവരുടെ കൂടെയുള്ള ഈ സായാഹ്നം .
തെങ്കര സ്കൂളിലെത്തുന്ന ആരിലും നോവുണർത്തുന്ന കാഴ്ചയായിരുന്നു ചലന പരിമിതി മൂലം കഷ്ടതയനുഭവിക്കുന്ന രണ്ടു പെൺകുട്ടികളേയും താങ്ങിയെത്തുന്ന ഒരു ഉമ്മയുടെ ചിത്രം. ചലന പരിമിതിയുണ്ടെങ്കിലും പഠനത്തിൽ മികവ് പുലർത്തുന്നവരാണ്  നജ് വയും, ഷഹ് ലയും,  ഇളയവൾ ഇപ്പോഴും തെങ്കര സ്കൂളിൽ പ്ലസ്ടുവിനു പഠിക്കുന്നു. എന്നാൽ മൂത്തയാൾ പ്ലസ്ടു വിന് തരക്കേടില്ലാത്ത മാർക്കോടെ വിജയിച്ചിട്ടും തുടർപഠനത്തിന് വഴിയില്ലാത്ത അവസ്ഥയിലാണ്. ഒരാളെ സ്കൂളിലും മറ്റൊരാളെ കേളേജിലും എത്തിക്കുക  എന്നത് സാമ്പത്തിക പരാധീനതയും ശാരീരിക അവശതയും അനുഭവിക്കുന്ന ഉമ്മയക്ക് പ്രയാസമാണെന്ന് തിരിച്ചറിഞ്ഞ നഹ് ലതൻ്റെ ഉപരിപഠന സ്വപ്നങ്ങൾ ഉപേക്ഷിച്ച മട്ടാണ്. എന്നാലും സ്വന്തമായൊരു തൊഴിലോ, വരുമാനമോ അവളുടെ പ്രതീക്ഷയാണ്.
തങ്ങളാൽ കഴിയുന്ന സഹായവും പിന്തുണയും ഉറപ്പ് നൽകി തിരിച്ച് നടക്കുമ്പോൾ കരുണ വറ്റാത്തവരുടെ കണ്ണുകൾ ഈ കുട്ടികളുടെ നേർക്കുണ്ടാക്കണമേ എന്ന പ്രാർഥനയായിരുന്നു...
പ്രിൻസിപ്പൽ പുഷ്പലത ടീച്ചർ, എച്ച്.എം ഉഷ.കെ ടി കുട്ടികൾക്ക് ഉപഹാരങ്ങൾ കൈമാറി.കെ.ജി ബാബു, ബഷീർ.കെ, ശൈലജ .എസ്, നസ്റി.കെ, ബിന്ദു.കെ.എം, ശോഭ എസ് എസ്, സന്ദർശനത്തിൽ പങ്കെടുത്തു.

=========================

സകൂൾ കലോത്സവം നടത്തി. 

 തെങ്കര:തെങ്കര സർക്കാർ ഹയർ സെക്കണ്ടറി സ്കൂള്‍ സ്കുള്‍ കലോത്സവം സംഘടിപ്പിച്ചു.സ്കൂൾ പ്രിൻസിപ്പാൾ പുഷ്പലത .കെ യുടെ അധ്യക്ഷതയിൽ പിടിഎ പ്രസിഡണ്ട്  മജീദ് തെങ്കര ഉദ്ഘാടനം ചെയ്തു.പ്രധാന അധ്യാപിക ശ്രീമതി ഉഷ.കെ.ടി സ്വാഗതം ആശംസിച്ചു.എസ്.എം.സി  ചെയർമാൻ വി.ശിവശങ്കരൻഎം.പി.ടി.എ  പ്രസിഡണ്ട്  ഉമാദേവി,പിടിഎ അംഗം മൊയ്തീൻ കുട്ടി, ഹയര്‍ സെക്കണ്ടറി അധ്യാപക പ്രതിനിധി രവികുമാർ ,സ്റ്റാഫ് സെക്രട്ടറി കെ.ജി.ബാബു, സ്കൂൾ ചെയർമാൻ സ്വാലിഹ് അൻഷാദ്, സ്കൂൾ ലീഡർ അനുഷ, പ്രോഗ്രാം കൺവീനർ പ്രവീണ വി എന്നിവർ പ്രസംഗിച്ചു.വിവിധ വേധികളിലായി കുട്ടികളൂടെ വിവിധ കലാ മത്സരങ്ങൾ നടത്തി.

=========================

    ഓണാഘോഷംസംഘടിപ്പിച്ച‍ു

തെങ്കര:തെങ്കര സർക്കാർ ഹയർ സെക്കണ്ടറി സ്കൂളിൽ ഓണാഘോഷം നടത്തി. കുട്ടികൾക്കും രക്ഷിതാക്കൾക്കും വിഭവസമൃദ്ധമായ ഓണസദ്യയും പാലട പ്രഥമനും നല്കി.സ്കൂൾ പിടിഎയുടെയും അധ്യാപക, വിദ്യാർത്ഥി കൂട്ടായ്മ്മയുടെയും ഭാഗമായാണ് ഓണാഘോഷം സംഘടിപ്പിച്ചത്. പഴേരി ഗോൾഡ് ഒരുക്കിയ 'മാവേലി 'യുടെ   വിദ്യാലയ സന്ദർശനം കുട്ടികൾക്ക് കൗതുകമായി. മാവേലിയെ പ്രിൻസിപ്പാൾ  വി.പുഷ്പലത, പ്രധാനാധ്യാപിക  ഉഷ കെ.ടി.പി ടി എ പ്രസിഡണ്ട് മജീദ് തെങ്കര എസ്.എം.സി ചെയർമാൻ വി.ശിവശങ്കരൻ എന്നിവർ സ്വീകരിച്ചു. കുട്ടികളുടെ പൂക്കളവും, വിവിധ ഓണക്കളികളും സംഘടിപ്പിച്ചിട്ടുണ്ടായിരുന്നു.

=========================

സ്വാതന്ത്ര്യത്തിൻ്റെ മധുരം നുണഞ്ഞ് ദുരിതാശ്വാസ ക്യാമ്പിലെ കുരുന്നുകൾ 

 തെങ്കര:തെങ്കര സർക്കാർ ഹയർ സെക്കണ്ടറി സ്കൂളിൽ നടന്ന സ്വതന്ത്ര്യദിനാഘോഷത്തിലെ അതിഥികളായത് വിദ്യാലയത്തിൽ പ്രവർത്തിച്ചുവരുന്ന ദുരിതാശ്വാസ ക്യാമ്പിലെ കുരുന്നുകളും, രക്ഷിതാക്കളും.
കനത്ത മഴയിൽ വീടുകളിൽ വെള്ളം കയറിയ കൊറ്റിയോട്, കോൽപ്പാടം, ആനമൂളി, ഉരുളൻകുന്ന്, പാലവളവ് തുടങ്ങിയ പ്രദേശങ്ങളിലെ 113 കുടുംബങ്ങളിലെ 340 പേരാണ് ക്യാമ്പിൽ ഉണ്ടായിരുന്നത്.  മഴ ശക്തി കുറഞ്ഞതോടെ ആനമൂളിയിലെ 8 കുടുംബത്തിലെ 24 പേരൊഴികെ മറ്റുള്ളവർ സ്വന്തം വീടുകളിലേക്ക് തിരിച്ചു. അവശേഷിച്ച കുട്ടികൾക്കും അവരുടെ രക്ഷിതാക്കൾക്കുമാണ് വിദ്യാലയത്തിലെ മറ്റു കുട്ടികൾക്കൊപ്പം സ്വാതന്ത്ര്യ ദിനമാഘോഷിക്കാൻ അവസരമുണ്ടായത്.

=========================

വിജയോത്സവം സംഘടിപ്പിച്ചു
=========================

ബഷീർ ദിനം ആചരിച്ചു.

മലയാളത്തിന്റെ പ്രിയ എഴുത്തുകാരന്‍  വൈക്കം മുഹമ്മദ് ബഷീറിന്റെ ചരമ ദിനത്തോടനുബന്ധിച്ച് വിവിധ പരിപാടികൾ സംഘടിപ്പിച്ചു. ലിറ്റിൽ കൈറ്റ്സ് ഐ-ടി ക്ലബ്ബിനു കീഴിൽ ബഷീറിനെ പരിചയപ്പെടുത്തുന്ന ഡോക്യുമെൻ്ററി പ്രദർശനവും മനോജ് കല്‍പത്തൂര്‍ സംവിധാനം ചെയ്ത ഇമ്മിണി ബല്ല്യരാൾ മലയാളം ഷോട്ട് ഫിലിം പ്രദർശനവും നടത്തി.

=========================

പുസ്തകാസ്വാദന വേദിയൊരുക്കി തെങ്കര സ്ക്കൂൾ

തെങ്കര: വായനാവാരാഘോഷത്തിന്റെ സമാപനത്തോടനുബന്ധിച്ച് തെങ്കര സർക്കാർ സ്ക്കൂളിൽ വിദ്യാരംഗത്തിന്റെയും ലൈബ്രറിയുടെയും ആഭിമുഖ്യത്തിൽ ഒരുക്കിയ പുസ്തകാസ്വാദന വേദി കുട്ടികൾക്ക് ഒരു ഹൃദ്യാനുഭവമായി. പ്രാധാനാധ്യാപിക ഉഷ.കെ ഉദ്ഘാടനം നിർവ്വഹിച്ച് കുട്ടികളുമായി വായനാനുഭവം പങ്കുവച്ചു. രക്ഷിതാക്കളും കുട്ടികളും അധ്യാപകരും പുസ്തകം പരിചയപ്പെടുത്തി വായനാനുഭവം പങ്കുവച്ചു. വായനയുടെ മാസ്മര ലോകത്തേക്ക് ഓരോരുത്തരെയും കൈ പിടിച്ചുയർത്താൻ ഈ ആസ്വാദനസദസ്സ് വഴിയൊരുക്കി. വിദ്യാരംഗം കൺവീനർ ശ്രീ ബിന്ദു മോൾ നന്ദി പറഞ്ഞു.

=========================

അന്താരാഷ്ട്ര യോഗാദിനം ആചരിച്ചു

തെങ്കര:  ജൂൺ 21 അന്താരാഷ്ട്ര യോഗദിനം ആചരിക്കുന്നതിന്റെ ഭാഗമായി തെങ്കര സർക്കാർ ഹൈസ്കൂളില്‍ യോഗക്ലാസുകളും വീഡിയോ പ്രദർശനവും നടത്തി.സ്കൂൾ പി.ടി.എ പ്രസിഡന്റ് ശിവശങ്കരൻ ഉദ്ഘാടനം നിർവ്വഹിച്ചു. കായികാധ്യാപകൻ ഏ.ആർ ശശികുമാർ സ്വാഗതം ആശംസിച്ചു. പ്രധാനാധ്യാപിക  ഉഷ.കെ പി.ടി.എ വൈസ് പ്രസിഡന്റ് ഉണ്ണികൃഷ്ണൻ, മദർ പി.ടി.എ പ്രസിഡന്റ്   ഉമാദേവി,അധ്യാപകരായ കെ സി സുരേഷ് , പ്രീത.വി എന്നിവർ സംസാരിച്ചു. സെബാസ്റ്റ്യൻ.കെ.ജെ നന്ദി പ്രകാശിപ്പിച്ചു

=========================

ലിറ്റിൽ കൈറ്റ്സ് ഏകദിന ക്യാമ്പ് സംഘടിപ്പിച്ചു.

         തെങ്കര: ലിറ്റിൽ കൈറ്റ്സ് 2019 -2 1 ബാച്ചിലെ കുട്ടികൾക്കായുള്ള പ്രാഥമിക സ്കൂൾ തല ക്യാമ്പ് സംഘടിപ്പിച്ചു.പി.ടി.എ പ്രസിഡൻ്റ് ശിവശങ്കരൻ്റെ അധ്യക്ഷതയിൽ ഹെഡ്മിസട്രസ് ഉഷ.കെ ക്യാമ്പിൻ്റെ ഉദ്ഘാടനം നിർവഹിച്ചു. സീനിയർ അധ്യാപിക ശൈലജ.എസ്, സ്റ്റാഫ് സെക്രട്ടറി ബാബു.കെ.ജി. ആശംസകൾ നേർന്നു.കൈറ്റ്സ് മാസ്റ്റർ ബഷീർ.കെ സ്വാഗതം പറഞ്ഞു. രാവിലെ പത്ത് മുതൽ വൈകുന്നേരം 4 മണി വരെ നീണ്ട ക്യാമ്പിന് ജില്ലാ മാസ്റ്റർ ട്രെയ്നർ ഇഖ്ബാൽ നേതൃത്വം നൽകി. അനിമേഷൻ, ഗ്രാഫിക്സ്, ഭാഷാ കമ്പ്യൂ ട്ടിങ്ങ്, സൈബർ സുരക്ഷ, മൊബൈൽ ആപ്പ്, പ്രോഗ്രാമിങ്ങ് തുടങ്ങിയ മേഖലകളെ ക്യാമ്പിൽ പരിചയപ്പെടുത്തുകയുണ്ടായി. കൂടുതൽ ആഴത്തിലുള്ള പഠനം പിന്നീട് വിദ്യാലയത്തിൽ നടക്കുന്ന ലിറ്റിൽ കൈറ്റ്സ് സ്കൂൾ തല ക്ലാസുകളിൽ ലഭ്യമാകൂന്നതാണ്. കഴിഞ്ഞ വർഷം ലിറ്റിൽ കൈറ്റ്സ് ഗ്രൂപ്പിൽ അംഗത്വം ലഭിച്ച മുപ്പത്തഞ്ച് കുട്ടികളാണ് ക്യാമ്പിൽ പങ്കെടുത്തത്. കൈറ്റ്സ് മിസ്ട്രസ് സമീറ.കെ നന്ദി അറിയിച്ചു.

=========================

 വായനയുടെ വസന്തമൊര‍ുക്കി തെങ്കര സ്കൂള്‍

 തെങ്കര: തെങ്കര സർക്കാർ ഹയർ സെക്കണ്ടറി സ്കൂളിൽ വായനാ വാരാഘോഷത്തിന്റെ ഭാഗമായി പ്രത്യേക അസംബ്ലി നടത്തി.പ്രഥമാധ്യാപിക കുട്ടികൾക്ക് വായനാദിന സന്ദേശം നൽകി. കുട്ടികളുടെ പ്രസംഗം, കവിതാലാപനം, പുസ്തകാസ്വാദന അവതരണം തുടങ്ങി പ്രവർത്തനങ്ങൾ വിദ്യാരംഗത്തിന്റെ ആഭിമുഖ്യത്തിൽ നടത്തി. ലൈബ്രറിയുടെ നേത്യത്വത്തിൽ രക്ഷിതാക്കൾക്കും കുട്ടികൾക്കുമായി പ്രത്യേക പുസ്തകപ്രദർശനം "വായനയുടെ വാതായനം" സംഘടിപ്പിച്ചു. വായന പരിപോഷിപ്പിക്കുക എന്ന ലക്ഷ്യത്തോടെ രക്ഷിതാക്കൾക്കും മറ്റ് വായനക്കാർക്കും ലൈബ്രറി പുസ്തകങ്ങൾ വായനക്കായി നൽകി. വിദ്യാരംഗത്തിന്റെ ആഭിമുഖ്യത്തിൽ നടത്തിയ ചുവർ പത്രികകളുടെ പ്രദർശനവും നടന്നു.

=========================

 വായനാ ദിനം
തെങ്കര: വിദ്യാരംഗം കലാസാഹിത്യ വേദിയുടെ ആഭിമുഖ്യത്തില്‍വായനാ ദിനം ആഘോഷിച്ചു.
ഹെഡ്മിസട്രസ് ഉഷ.കെ ഉദ്ഘാടനം നിർവഹിച്ചു.പ്രീത ,ഭാഗ്യവതി സംസാരിച്ചു.വിവിധ കവിതകള്‍ കോര്‍ത്തിണക്കിയ ആലാപനവും,എഴുത്തുകാരെ പരിചയപ്പെടുത്തലും  സംഘടിപ്പിച്ചു.തുടര്‍ന്ന് ഒരാഴ്ച നീണ്ടു നില്‍ക്കുന്ന പ്രവര്‍ത്തനങ്ങള്‍ക്ക് തുടക്കം കുറിച്ചു.

     =========================

 പ്രീപ്രെെമറി പ്രവേശനോത്സവം സംഘടിപ്പിച്ചു

      തെങ്കര സർക്കാർ ഹയർ സെക്കണ്ടറി സ്കൂളിൽ പ്രീ പ്രൈമറി ക്ലാസുകളിലേക്കുള്ള പ്രവേശനോത്സവവും സ്മാർട്ടു റൂം ഉദ്ഘാടനവും 10/6/16 ന് നടന്നു. പി.ടി.എ പ്രസിഡണ്ട്  ശിവശങ്കരന്റെ അദ്ധ്യക്ഷതയിൽ ചേർന്ന യോഗത്തിൽ  പ്രഥമാധ്യാപിക .  ഉഷ.കെ സ്വാഗത പ്രസംഗം നടത്തി.മണ്ണാർക്കാട് BP0 ശ്രീ മുഹമ്മദലി പ്രവേശനോത്സവം, സ്മാർട്ട് റൂം എന്നിവയുടെ ഉദ്ഘാടനം നിർവഹിച്ചു.മുൻ പ്രഥമാധ്യാപിക ശ്രീമതി പദ്മജ, പി.ടി.എ വൈസ് പ്രസിഡണ്ട് ശ്രീ ഉണ്ണികൃഷ്ണൻ, എസ്.എം.സി ചെയർമാൻ ശ്രീ മജീദ്, സി.ആർ.സി കോഡിനേറ്റർ സൗദ ,സ്റ്റാഫ് സെക്രട്ടറി .KG ബാബു എന്നിവർ ആശംസകളർപ്പിച്ചു.പ്രീ പ്രൈമറി അധ്യാപിക സജിത നന്ദി പറഞ്ഞു. വർണശഭളമായ ചടങ്ങിൽ വിദ്യാർത്ഥികൾക്കായി മധുരവിതരണവും നടന്നു.

 =========================

പ്രവേശനോത്സവത്തോടെ ത‍ുടക്കം

         തെങ്കര: തെങ്കര സർക്കാർ ഹയർ സെക്കണ്ടറി സ്കൂളിൽ നടന്ന വർണ്ണാഭമായ പ്രവേശനോത്സവത്തോടെ പുതിയ അധ്യയന വർഷത്തിന് തുടക്കമായി. വിദ്യാലയത്തിൽ നടന്ന പഞ്ചായത്ത് തല പ്രവേശനോത്സവത്തിന് മണ്ണാർക്കാട് ബ്ലോക്ക് പഞ്ചായത്ത് വിദ്യാഭ്യാസ ആരോഗ്യ സ്റ്റാൻഡിംങ്ങ് കമ്മറ്റി ചെയർമാൻ പി. അലവി അധ്യക്ഷത വഹിച്ചു.തെങ്കര ഗ്രാമപഞ്ചായത്ത് പ്രസിഡൻ്റ് എ.സലീന ഉദ്ഘാടനം നിർവഹിച്ചു. പഞ്ചായത്ത് വിദ്യാഭ്യാസ ആരോഗ്യസ്റ്റാൻഡിംങ്ങ് കമ്മറ്റി ചെയർപേഴ്സൺ എ. രുഗ്മിണി സൗജന്യ പാഠപുസ്തക വിതരണവും പി.ടി.എ.പ്രസിഡൻ്റ് ശിവശങ്കരൻ സൗജന്യ യൂണിഫോം വിതരണവും നിർവ്വഹിച്ചു. വൈസ് പ്രിൻസിപ്പൽ  ഉഷ.കെ പരിസ്ഥിതി ദിന വൃക്ഷ  തൈകള്‍ വിതരണം ചെയ്തു. എസ് എം.സി.ചെയർമാൻ മജീദ് തെങ്കര, ഉണ്ണികൃഷ്ണൻ മുണ്ടക്കണ്ണി ആശംസകൾ അർപ്പിച്ചു സംസാരിച്ചു.
     വിദ്യാലയത്തിൽ  ഒന്നാം തരത്തിലും പ്ലസ് വണ്ണിലുമെത്തിയ നവാഗതരെ ഒരേ ദിവസം പ്രവേശനോത്സവത്തിൻ്റെ ഭാഗമാക്കാനയത് ഈ വർഷത്തെ പ്രവേശനോത്സവത്തിൻ്റെ പ്രത്യേകതയായിരുന്നു.സ്കൂൾ പ്രിൻസിപ്പൽ അബ്ദുൽ റഹീം സ്വാഗതവും അധ്യാപക പ്രതിനിധി കെ.സി.സുരേഷ് നന്ദിയും പറഞ്ഞു.